Loading...
जिससमा एमालेबाट केसी सर्वसम्मत सिफारिस

जिससमा एमालेबाट केसी सर्वसम्मत सिफारिसजिससमा एमालेबाट केसी सर्वसम्मत सिफारिस जिल्ला समन्वय समिति म्याग्दीको प्रमुख पदका लागि नेकपा एमालेबाट जिल्ला उपाध्यक्ष देवेन्द्रबहादुर केसी सर्वसम्मत रुपमा सिफारिस भएका छन् । एमाले जिल्ला कमिटीको हालै बेनीमा बसेको १९औं वैठकले जिल्ला समन्वय समितिको प्रमुख पदमा एमालेले उनलाई सिफारिस गरेको हो ।  जिल्ला कमिटीको वैठकले उपाध्यक्ष केसीको नाम प्रदेश कमिटी हुँदै पार्टीको स्थायी कमिटीमा पठाउनका लागि सिफारिस समेत गरेको नेकपा एमाले म्याग्दीले जनाएको छ ।
यसैगरी समन्वय समितिमा अन्य पदका लागि पार्टीको जिल्ला सचिवालयको वैठकले टुङ्गो लगाउने एमाले म्याग्दीका अध्यक्ष हरिकृष्ण श्रेष्ठले जानकारी दिए ।  त्यस्तै वैठकमा अन्य पार्टीहरुसँग पनि समन्वय समितिमा प्रतिनिधित्व र कसरी अघि बढ्ने विषयमा छलफल गर्न पार्टी नेतृत्वलाई जिम्मेवारी दिएको बताइएको छ । उपाध्यक्ष केसी हाल रघुगंगा गाउँपालिका–२ का निर्वाचित वडा सदस्य हुन्भने तत्कालीन भगवती गाविसका अध्यक्षको रुपमा आफ्नो जिम्मेवारी निभाइसकेका छन् ।
एक नगरपालिकासहित ६ ओटा स्थानीय तह रहेको म्याग्दीमा जिल्लामा क्रियाशिल कुनै पनि पार्टीको स्पष्ट बहुमत आएको छैन । बहुमत नहुँदा जिल्ला समन्वय समितिको प्रमुख पद कुन पार्टीको पक्षमा जान्छ भन्ने निक्र्यौल हुन सकेको छैन । स्थानीय तहका प्रमुख र उपप्रमुख पदहरुमा नेपाली कांग्रेस, नेकपा एमाले, माओवादी केन्द्र र राप्रपाले एकापसमा तालमेल गरी चुनाब लडेका थिए ।   त्यसैगरी वैठकले आउँदो भदौ दोस्रो साता स्थानीय तहमा निर्वाचित जनप्रतिनिधिलाई अभिमुखीकरण गराइने एमाले अध्यक्ष श्रेष्ठले जानकारी दिएका छन् ।
उनका अनुसार वैठकमा हालै सम्पन्न स्थानीय तहको पहिलो चरणको निर्वाचनको समीक्षा पनि गरिएको थियो । एमाले जिल्ला कमिटीले २०७३ साल चैत मसान्तसम्मको पार्टी सदस्यता नवीकरण गर्नका लागि भदौ मसान्तसम्मको म्याद समेत तोकेको छ भने नयाँ सदस्यता विस्तार गर्ने बताएको छ ।  वैठकमा नेकपा एमाले स्थायी कमिटी सदस्य तथा प्रदेशनम्बर ४ संयोजक किरण गुरुङ, पार्टीको वैकल्पिक केन्द्रीय सदस्य एवं जिल्ला इन्चार्ज भूपेन्द्रबहादुर थापा, सांसद नवराज शर्मालगायत जिल्ला कमिटीका पदाधिकारी, सदस्यहरुको सहभागिता रहेको थियो ।

0 comments

Write Down Your Responses

Loading...
Amrit Baskune

ads