Loading...
बागलुङमा पहिरोको बितण्डा, एकैपरिवारका चारसहित पाँच जनाको मृत्यु

फाइल तस्वीर 



बागुलङ, २० साउन– 
बागलुङमा पहिरोमा परी एकै परिवारका चारसहित पाँचजनाको मृत्यु भएको छ । पहिलोमा परी एक बृद्धा बेपत्ता रहेको प्रहरीले जनाएको छ । 

अभिरल वर्षापछि गएको पहिरोमा परी निशीखोला गाउँपालिका–२ बाहुन गाउँमा एकै परिवारका चारजनाको मृत्यु भएको हो । मृत्युमा हुनेमा ६८ वर्षका मनिमान छन्त्याल, उनकी ६३ वर्षीया श्रीमती नन्दकली, २२ वर्षीया बुहारी बिन्दु र १८ वर्षीया छोरी गीता छन् । 

यस्तै ढोरपाटन नगरपालिका–५ मा गएको पहिरोमा परी ओमप्रकाश विकको मृत्यु भएको छ । घरमाथिबाट गएको पहिरोमा पुरिएर विकको मृत्यु भएको हो । 

निशीखोला १ हुल्दीमा गएको पहिरोमा परेर एक ७० वर्षीया बृद्धा वेपत्ता भएकी छन् । घरमाथिबाट आएको पहिरोले बगाउँदा ७० वर्षीया खगिसरा सिंजाली बेपत्ता भएकी हुन् ।

0 comments

Write Down Your Responses

Loading...
Amrit Baskune

ads