Loading...
स्वाइन फ्लू आतंक : चिकित्सक भन्छन्- सिजनल एन्फ्लुएन्जा, सजग रहन आग्रह


काठमाडौं, २७ साउन– इपिडिमियोलोजी तथा रोग नियन्त्रण महाशाखाले एन्फ्लुएन्जा एच वान एन वान (स्वाइन फ्लू)को संक्रमणबाट हालसम्म १० जनाको मृत्यु भएको जनाएको छ ।

नेपालमा गत पुष महिनाबाट यो रोगको संक्रमण देखिएको महाशाखाका निर्देशक डा भिम आचार्यले बताए । उनले भने,‘ गएको पुष महिनादेखि अहिलेसम्म २७ सय ६७ जनामा यसको संक्रमण देखिएको थियो । जसमध्य १० जनाको मृत्यु भइसकेको छ ।’ भाइरलको रुपमा देखिएको यो रोगको संक्रमणबाट बच्न सजकता अपनाउन निर्देशक डा आचार्यले आग्रह गरे ।

केहि समय यता प्रकोपको रुपमा देखिएको रोग स्वाइन फ्लु नभएको चिकित्सकहरुले बताएका छन् ।चिकित्सकहरुका अनुसार अहिले देखिएको प्रकोप एन्फ्लुएन्जा एच १ एन १ हो । 

काठमाडौं, पोखरा लगायत देशका ठूला शहरहरुमा प्रकोपको रुपमा देखिएको भाइरस स्वाइन फ्लू नभई सिजनल एन्फ्लुएन्जा एच १ एन १ भएको शुक्रराज ट्रपिकल तथा सरुवारोग अस्पताल टेकुका सरुवा रोग विशेषज्ञ डा. शेरबहादुर पुनले बताए । ‘प्राविधिक रुपमा यसलाई स्वाइन फ्लु भन्न मिल्दैन ।’ उनले भने,‘ सुंगुरुको संक्रमणबाट नभएकाले यो स्वाइन फ्लु होइन । यसको वास्तविक नाम एच १ एन १ पिडिएम २००९ हो ।’

सन् २००९ मा मेक्किन मुलुकका सुंगुर पालक किसानहरुको एन्फ्लुएन्जाको कारण मृत्यु भएको र त्यसको संक्रमण विस्तारै अफ्रिकामा पनि देखिएपछि त्यहाका वैज्ञानिकहरुले स्वाइन फ्लु नाम दिएको डा. पुनले जानकारी दिए ।

त्यतिबेला मान्छे, पंछि र सुंगुरमा देखिएको संक्रमणमा सबैभन्दा बढी एच वान एन वानको संक्रमण संगुरमा रहेको थियो । तर अहिले देखिएको एन्फ्लुएन्जा सुंगुरको संक्रमणबाट नभएको उनले बताए । 

चिकित्सक पुन

एच वान एन वानको संक्रमित व्यक्ति अन्तिम अवस्थामा उपचारको लागि अस्पताल पुग्दा उनीहरुको मृत्यु हुने डा.पुनले बताए । 

उनले भने,‘ यो भाइरल इन्फेक्सन भएकाले छिटो संक्रमण हुन्छ । र अहिलेसम्म मृत्यु भएकाहरु अन्तिम अवस्थामा अस्पताल पुग्दा उनीहरुको मृत्यु भएको हुनसक्छ । यसले फोक्सोमा संक्रमण गर्ने भएकाले दीर्घ रोगीहरुले सामान्य रुघाखोकी लाग्दा घरेलु उपचार गरेर हुदैन अस्पताल आउनु पर्छ ।’

नेपालमा वर्षाको समय र जाडोको अन्त्य तिर यसको संक्रमण रहेकाले यसको संक्रमण हुन नदिन सजक हुनुपर्ने डा. पुनले बताए । संक्रमित व्यक्तिमा ज्वरो आउने, सास फेर्न गाह्रो हुने, घाटी दुख्ने, पखला लाग्ने, बालबालिकामा वान्ता हुने समस्या देखिने भन्दै यस्तो लक्षण देखिएका अस्पतालमा चेकजाच गराउन पर्ने उनको भनाइ छ ।

शहरी क्षेत्रमा बढी चहल पहल हुने हुँदा यो रोगको संक्रमण बढी भएको देखिन्छ । त्यसैले संक्रमित व्यक्तिले सकेसम्म भीडभाडमा नजाने, घरका अन्य सदस्यहरुमा सर्न सक्नेहँुदा संक्रमित व्यक्ति छुट्टै बस्ने र सरसफाइमा विशेष ध्यान दिनु जरुरी छ । साथै विरामीले प्रयोग गर्नै सामाग्री प्रयोगअन्य व्यक्तिले प्रयोग गर्न नहुने चिकित्सकको भनाइ छ ।

0 comments

Write Down Your Responses

Loading...
Amrit Baskune

ads