Loading...
ऋतिकको बचाउमा उत्रिइन् पूर्व श्रीमती सुजेन

ऋतिक रोशन र सुजेन खान केही वर्षअघि नै छुट्टिइसकेका छन् । तर यो जोडी आज पनि एक–अर्काका लागि, एक अर्काको समर्थनमा उत्रिन्छन् । जतिबेला समय पाउँछन् तब आफ्ना सन्तानसँग उत्कृष्ट समय बिताउने गर्दछन् । पारिवारिक छुट्टी वा अन्य कुनै मौकामा उनीहरु सँगै देखिन्छन्, सम्बन्धविच्छेद भइसकेपछि पनि । केही समय अघि कंगना रनौतले ऋतिकविरुद्ध दिएको अन्तर्वार्ताविरुद्ध उनी खडा भइन् ।
कंगना रनौतको एक टेलिभिजन अन्तर्वार्ता निकै चर्चामा रह्यो जसमा उनले ऋतिक रोशन र उनका पिता राकेश रोशनमाथि थुप्रै आरोप लगाइन् । अघिल्लो वर्ष पनि कंगना र ऋतिकको सम्बन्ध र मेलको विषयमा निकै चर्चा भएको थियो । कंगनाले एक पटक पुनः अन्तर्वार्तामा ऋतिकसँगको आफ्नो सम्बन्धबारे खुलेर कुराकानी गर्दै उनीमाथि धोका र उत्पीडनको आरोप लगाएका छन् । ऋतिकमाथि हमला भएको देखेर उनकी पूर्व श्रीमती सुजेन खान उनको समर्थनमा उत्रिएकी छिन् ।
सुजेनले ट्वीटरमा पोष्ट गर्दै लेखेकी छिन्, ‘कुनै पनि आरोप वा षड्यन्त्र त्यति बलियो हुन सक्दैन कि एक राम्रो मन भएका व्यक्तिलाई जित्न सकोस् ।’

0 comments

Write Down Your Responses

Loading...
Amrit Baskune

ads