Loading...
मधेसका आठ जिल्लामा निर्वाचन सुरु

Click to Load Image
दुइ नम्बर प्रदेश अन्तर्गत मधेसका आठ जिल्लामा निर्वाचन सुरु भएको छ । 
बिहान ७ बजेदेखि तोकिएका मतदानकेन्द्रमा मतदाताले भोट हाल्ने क्रम सुरु भएको निर्वाचन आयोगले जनाएको छ ।
२० बर्षपछि हुन लागेको स्थानीय तहको निर्वाचनमा भोट हाल्नका लागि मतदाताहरु  बिहानैदेखि लाइनमा बसेका थिए । मधेसमा दिउँसो अत्याधिक गर्मी (घाम चर्को) हुने हुँदा मतदाताहरु बिहानै भोट हाल्न लामबद्ध भएका छन् ।
निर्वाचनमा सहभागी हुन पाउँदा मतदाताहरु निकै खुशी देखिएका छन् ।
निर्वाचन आयोगका अनुसार बेलुका ५ बजेसम्म मतदान केन्द्रमा प्रवेश गरेका मतदाताले भोट हाल्न सक्नेछन् ।
सरकार र राजनीतिक दलहरुको लामो प्रयासपछि प्रदेश नम्बर २ मा स्थानीय तहको निर्वाचन   आज हुन लागेको हो ।
यसअघि  वैशाख ३१ र असार १४ गते दुई चरणमा प्रदेश नं १, ३, ४, ५ तथा ६ का स्थानीय तहमा निर्वाचन सम्पन्न भई जनप्रतिनिधिले काम गर्नसमेत थालिसकेका छन् ।
स्थानीय निर्वाचनको तेस्रो चरणअन्तर्गत प्रदेश नम्बर २ का सप्तरी, सिरहा, धनुषा, महोत्तरी, सर्लाही, रौतहट, बारा र पर्साको एक सय ३६ स्थानीय तहमा निर्वाचन हुन लागेको हो ।
२ नम्बर प्रदेशमा एक महानगरपालिका, तीन उपमहानगरपालिका, ७३ नगरपालिका र ५९ गाउँपालिका छन् ।
प्रदेश नम्बर २:
निर्वाचित हुने प्रतिनिधि संख्या  : ६ हजार ६ सय २७ 
उम्मेदवारको संख्या : ३७ हजार २ सय ३६ 
जम्मा मतदाता : २६ लाख ६४ हजार ९ सय ५०
मतदानस्थल : २ हजार १ सय ६६ 
मतदानकेन्द्र : ३ हजार ५ सय ७८ 
सुरक्षाकर्मीको संख्या : ६० हजारभन्दा बढी 

0 comments

Write Down Your Responses

Loading...
Amrit Baskune

ads