Loading...
रोल्पाका उमेद्वारहरु आ–आफ्नै दावी

फाइल फोटो
रोल्पा । पहिलो चरणको प्रतिनिधिसभा र प्रदेशसभाको निर्वाचन मंसिर १० गते हुँदैछ । यतिबेला रोल्पामा निर्वाचनको सरगर्मी निकै बढेको छ । रोल्पाका उमेद्वारहरु आ–आफ्नै दावी गरिरहेका छन् । प्रतिनिधि सभा सदस्यका लागि ८ वटा राजनीतिक दलबाट ८ जनाले उमेद्वारी दिएपनि अब रोल्पामा संयुक्त वाम गठन्धनका उमेद्वार एवं नेकपा (माओवादी केन्द्र) का प्रभावशली एवं बरिष्ठ नेता तथा पूर्व अर्थमन्त्री वर्षमान पुनमगर ‘अनन्त’ र सिचाई राज्य मन्त्री एवं नेपाली कांग्रेस रोल्पाका सभापति अमरसिंह पुनमगरबीचमा नै कडा प्रतिप्रर्धा हुने भएको छ ।
माओवादी नेता वर्षमान पुनमगर नेकपा (माओवादी केन्द्र) का प्रभावशाली नेताको रुपमा मानिन्छन् । संगठनबाट क्षेत्रबाट जनमुक्ति सेनाको कमिसारको रुपमा काम गर्दै शान्तिकालमा जनमुक्ति सेना समायोजन हुँदा डेपुटी कमाण्डरको भूमिका निर्वाह गरेका थिए । पार्टीभित्रको राजनीतिमा इमान्दार पूर्व भूमिका निर्वाह गर्दै सचिव बनेका थिए भने मोर्चामा पूर्वअर्थमन्त्री भएर भएका थिए । अर्थमन्त्री हुँदा रोल्पा जिल्लामा सडक, युवा क्वल, महिला समूह लगायतलाई साना तथा ठूला योजना प्रदान गरेर अधिकाँश रोल्पालीको नजरमा विकास प्रेमी नेताको रुपमा परिचित छन् ।
वर्षमान पुनमगरका प्रतिष्पर्धी अमरसिंह पुनमगर पनि नेपाली कांग्रेस रोल्पाको सभापति छन् । समानुपातिक सभासद्को जिम्मेवारी बहन गर्दै हाल सिचाई राज्यमन्त्री भइसकेका छन् । उनीपनि रोल्पा जिल्लाको विकास गरेको दावी गर्छन् । उनले रोल्पा जिल्लाको विकास निर्माणको लागि आफू अहोरात्र खटेको बताएका छन् । उनले पनि रोल्पा जिल्लाको विकासमा योगदान गरेको बताउँदै आफूलाई विजयी गराउने आशा व्यक्त गरेका छन् ।
प्रदेशसभाको निर्वाचनको लागि रोल्पा क्षेत्र नं. १ मा पनि ८ वटा राजनीतिक दलबाट ८ जना उमेद्वारले दर्ता गरेका छन् । तर त्यसमा पनि माओवादी केन्द्रका नेता एवं संयुक्त वाम गठबन्धनका नेता कुलप्रसाद केसी र नेपाली कांग्रेसका उमेद्वार शेरबहादुर महरा बीचमा प्रतिषप्रर्धा हुने भएको छ । कुलप्रसाद केसी युवाकालदेखि राजनीतिमा लागेर हालसम्म सार्वजनिक पदमा नगई पार्टीको आन्तरिक संगठन परिचालनमै समय खर्चिएका नेता हुन् । तर पनि पार्टीभित्र र बाहिर युवा परिचालन तथा युवार्गको नेताको रुपमा परिचित छन् । रोल्पा जिल्लाको पूर्वी क्षेत्रमा पहिलो पटक उमेद्वार बन्नु भएका केसीले आफूलाई प्रदेशको मुख्य मन्त्रीको दावेदारको रुपमा प्रस्तुत गरेका छन् । जेल जीवन र हिसासत एवं ए अन्य कारणबाट चर्चा पाएका नेता केसी हाल निर्वाचनमा खरो रुपमा आफू र कार्यकर्ताहरुलाई परिचालन गरी निकै विवेकपूर्ण तरिकाले योजना निर्माणका साथ लागेको बताउँछन् । केसी र संयुक्त वाम गठबन्धनको चुनाव परिचालन समितिले केसीको विजयी हुन सक्ने दावी गरेका छन् ।
प्रदेशसभाको निर्वाचनमा नेपाली कांग्रेसबाट शेरबहादुर महरा पनि चुनावमा भेगीय नाराका साथमा निर्वाचनमा होमिनु भएको उनीहरुले पनि आफूहरु रोल्पा क्षेत्र नं. १ मा विजयी हुने दावी गरेका छन् । नेपाली कांग्रेसको आफ्नो मत संख्या राम्रो रहेको र त्यसमा पनि राप्रपा नेपालको मत पनि आउने भएकोले दावी गरेको बताएका छन् ।
यस्तै रोल्पा क्षेत्र नं. २ मा प्रदेश सभाका लागि नेकपा (माओवादी केन्द्र) का सचिवालय सदस्य दिपेन्द्र कुमार पुनमगर ‘सिजल’ पनि रोल्पा क्षेत्र नं. २ मा मात्रै नभएर रोल्पा जिल्लामै कुटनैतिक तथा पहलकर्ताको रुपमा परिचित छन् । नेता पुनमगरले रोल्पा जिल्लामा माओवादी केन्द्रको बलियो आधार र त्यसैमा पनि नेकपा एमालेले पनि संयुक्त वाम गठबन्धनका उमेद्वावारको तर्फबाट अगाडि सारेकोले गर्दा आफू विजयी हुने खबरडबलीलार्इ बताए । यसै गरी नेपाली कांग्रेसका जिल्ला समिति सदस्य एवं राजनीति क्षेत्रमा नै लागि रहेका खगेन्द्र प्रकाश हमालले पनि चुनावी अभियानलाई निकै तिव्रता दिएका छन् । तिनीहरु चुनावी सभा एवं प्रचारात्मक कार्यलाई निकै लागेका छन् ।
चुनावी प्रतिष्प्रर्धा भएपनि रोल्पा जिल्लामा हालको निर्वाचन परिणाम बाम गठबन्धनको पोल्टामा पर्न सक्ने रोल्पाका राजनीतिक विश्लेषकहरु बताउँछन् । रोल्पा जिल्लामा नेपाली कांग्रेसले आफ्नो राजनीतिक विचार र लोकतन्त्रलाई बचाउनका लागि उमेद्वार दिए पनि प्रतिनिधिसभा र रोल्पा क्षेत्र नं. २ मा भरी माओवादी केन्द्र नै विजयी हुने कांग्रेसकै नेताहरुले बताएका छन् । नेपाली कांग्रेसले रोल्पा क्षेत्र नं. १ मा भारी आफ्नो पनि दावी रहेको बताएको छ । प्रतिनिध सभाका उमेद्वार वर्षमान पुनमगरले आफ्नो र आफ्नो पार्टीका विजय शुनिश्चत भएको दावी गरेका छन् ।
खबरडबली बाट 

0 comments

Write Down Your Responses

Loading...
Amrit Baskune

ads