Loading...
चर्चित भारतीय नायिका श्रीदेवीको निधन

भारतीय अभिनेत्री श्रीदेवीको निधन भएको छ ।
वैवाहिक समारोहका लागि दुवईमा पुगेका बेला हृदयघात भएर श्रीदेवीको निधन भएको पारिवारिक स्रोतलाई उद्धृत गर्दै  भारतीय संचारमाध्यमले जनाएका छन् । सन् १९६३ अगस्ट १३ तारिखमा भारतको तामिलनाडुमा जन्मिएकी श्रीदेवीले झण्डै चार वर्षकी हुँदै तमिल चलचित्र कंधन करुणईमा अभिनय गरेकी थिईन् ।
उनले बाल कलाकारको रुपमा ‘मे तेलुगु’ र ‘मलयालम’ चलचित्रमा पनि अभिनय गरेकी थिइन् । उनले ३ सय भन्दा धेरै चलचित्रमा अभिनय गरेकी छिन् । श्रीदेवीले नगिना, हिम्मतवाला, मिष्टर इण्डिया, चालबाज लगायत दर्जनौ हिट चलचित्रमा अभिनय गरेकी छिन् । 
हिम्मतवालाको ‘नैनो में सपना’, मिस्टर इन्डियाको ‘हावा हवाइं’, नागिनाको ‘मै तेरी दुश्मन’, चाँदनीको ‘मेरे हाथो मैं नौ नौ चुडीयाँ’, आदि फिल्मी नृत्यमा श्रीदेवी निकै चर्चित छिन् । 
श्रीदेवीलार्इ भारतकी पहिलाे 'महिला सुपरस्टार' का रुपमा लिइन्छ । उनी चाएल्ड आर्टिस्टको रुपमा सन् १९७५ को ‘जुले’ फिल्मबाट बलिउडमा प्रवेश गरेकी थिइन् । उनले १३ वर्षको उमेरमा मुन्द्रु मोदीक्षुमा एडल्टको भूमिकामा पहिलो पटक अभिनय गरेकी थिइन् ।
श्रीदेवीको ५४ बर्षको उमेरमा निधन भएको छ । फ्रेब्ररी २५ शनिवार राति ११:०० देखी ११:३० बीचको समयमा युएईमा हृदयघातबाट उनको निधन भएको जनाइएको छ । श्रीदेवी विवाह समारोहमा भाग लिन पति बोनी कपुर र कान्छी छोरीका साथ युएई गएकी थिइन् । श्रीदेवीको निधनको खबरले भारतीय फिल्मका नायक नायिका पनि स्तब्ध भएका छन् । बोनी कपुरकी दोश्री श्रीमती श्रीदेवीका जान्हवी र खुशी  दुई छोरी छन् । 
भारतीय चलचित्रकर्मीहरुले श्रीदेवीको निधनप्रति शोक व्यक्त गरेका छन् । भारतमा उनकाे निधनले सबैलार्इ स्तब्ध बनाएकाे छ ।
चर्चित फिल्म निर्माता बोनी कपुरसँग विवाह गरेर फिल्म क्षेत्रबाट केही समय टाढा रहेकी श्रीदेवीले ‘इंग्लिश भिङ्गलिस’बाट सन् २०१२ मा पुन फिल्म क्षेत्रमा प्रवेश गरेकी थिइन् ।
उक्त फिल्मले उनको लोकप्रियतालाई थप उचाइमा पुर्याएको थियो । उनको अन्तिम फिल्म मम २०१७ मा सार्वजनिक भएको थियो । त्यसमा उनले गरेको आमाको भूमिकाले निकै प्रशंसा पाएको थियो । उक्त चलचित्रबाट उनले उत्कृष्ट नायिकाको ‘जी सिने अवार्ड’ पनि प्राप्त गरेकी थिइन् ।
‘रुप कि रानी’ उपनामले चर्चित श्रीदेवीको हिम्म्तावाला, सदमा, मिस्टर इन्डिया, नगिना, चाँदनी, चालबाज, लम्हे, गुमराह, खुदागवाह, जुदाई जस्ता दर्जनौं लोकप्रिय फिल्महरु छन् ।
श्रीदेवीको पहिलो हिन्दी फिल्म ‘सोलाह सावन’ सन् १९७९ मा सार्वजनिक भएको थियो । तर उनको लोकप्रियता सन् १९८३ मा आएको फिल्म ‘हिम्म्तावाला’ ले दिएको थियो । हिम्मतवाला पछि उनका धेरैजसो फिल्महरु हिट हुँदै गए ।
सन् १९८९ को फिल्म ‘चालवाज’ र सन् १९९१ को ‘लम्हे’ ले उनको क्यारिअरमा थप सफलता दिलाएको थियो । ती दुई फिल्ममा उनले सार्वाधिक प्रतिष्ठित अवार्ड ‘फिल्म फेयर अवार्ड’ जित्न सफल भएकी थिइन्  । 

0 comments

Write Down Your Responses

Loading...
Amrit Baskune

ads