Loading...
क्रिकेटमा नेपालले पायो एकदिवसीय मान्यता

 नेपालले एकदिवसीय अन्तराष्ट्रिय मान्यता पाउने पक्का भएको छ । यो नेपाल क्रिकेटले पाएको अहिलेसम्मकै ऐतिहासिक उपलब्धी हो ।

ओडीआई स्टाटसका लागि महत्वपूर्ण खेलमा नेपालले बिहीबार पपुवा न्यूगिनीलाई ६ विकेटले हरायो ।
लगतै नेपालले चाहे जस्तै नेदरल्याण्डले हङकङलाई पराजित गराएपछि ओडीआई स्टाटस पक्का भएको हो ।
यदि हङकङले नेदरल्याण्ड्सलाई हराएको भए सातौं स्थानका लागि हुने खेलमा हङकङलाई हराउर्नै पर्नेथियो ।
तर, अब नेदरल्याण्ड्सँग हुने अन्तिम खेलको नजिता जे भएपनि नेपालले चार वर्षका लागि ओडीआई स्टाटस पक्का गरेको छ । साथै अब नेपालले आईकप प्रतियोगिता पनि खेल्नेछ ।
Congratulations to Nepal! 🇳🇵

They will be an ODI team following after it was confirmed they will face Netherlands in the 7th place play-off!
किन अर्थपूर्ण छ ओडीआई स्टाटस ?
नेपाल अहिलेसम्म एशोसिएसट टिम मात्र हो । अब ओडीआई स्टाटस पाएपछि टिमले एक्सपोजर पाउनेछ । साथै अन्तराष्ट्रिय क्रिकेट काउन्सिलले दिने सहयोग बद्धि हुनेछ ।
तर, ओडीआई स्टाटस मात्र सबै कुरा होइन । नेपाली क्रिकेटको घरेलु संरचना बलियो छैन भने क्रिकेट संघ लामो समयदेखि निलम्बनमा छ ।
त्यसैले क्रिकेट संघको विवाद सल्टाएर घरेलु संरचना बलियो नबनाएसम्म ओडीआई स्टाटसबाट पर्याप्त लाभ लिन सकिन्न ।
यू-१९ टोलीका प्रशिक्षक एवं पूर्वकप्तान विनाद दास यसलाई नेपाली क्रिकेटले पाउको अहिलेसम्मको ठूलो उपलब्धी मान्छन् । उनले भने, ‘खेलाडीहरुले जे गर्नु पर्ने थियो गरेर देखाए । अब बल एडमिनिस्ट्रेसनको हातमा छ । आश गरौं, सबै समस्या समाधान हुन्छ र एउटा सक्षम क्रिकेट बोड अगाडि आउँछ ।’
पपुवा न्यूगिनी र हङकङले गुमायो
विश्वकप छनोट खेलेका पाँच एशोसिएट देशमध्ये तीनले एक दिवसीय मान्यता पाउनेछन् भने दुई टिम डिभिजन टूमा घटुवा हुनेछन् ।
सुपर सिक्समा पुगेका स्कटल्याण्ड र यूएईले एकदिवसीय मान्यता पाइसकेका छन् । बिहीबार नेपालले पनि पक्का गरेको छ ।

पपुवा न्यूगिनी र हङकङले भने एकदिवसीय मान्यता गुमाएका छन् र डिभिजन टूमा घटूवा भएका छन् ।
onlinekhabar 

0 comments

Write Down Your Responses

Loading...
Amrit Baskune

ads