याहुका ५ करोड अकाउन्ट ह्याक, पासवर्ड तुरुन्त फेर्नुहोस्

123 Views

चर्चित इमेल सेवा प्रदायक याहुले आफ्ना ५० करोड भन्दा बढि प्रयोगकर्ताका अकाउन्टहरू ह्याक भएको सार्वजनिक गरेको छ । ह्याकरले प्रयोगकर्ताका इमेल ठेगाना, पासवर्ड, सेकुरिटी प्रश्न उत्तर लगायतका संवेदनशिल सूचना चोरी गरेको जनाइएको छ ।
झन्डै मासिक २५ करोड सक्रिय इमेल प्रयोगकर्ता भएको याहु कम्पनीका लागि मात्र नभएर यति ठुलो डेटा चोरी इन्टरनेट दुनियाँकै लागि एउटा ‘ऐतिहासिक झड्का’ हो । अमेरिकी इन्टरनेट जाइन्ट याहुले प्रेस विज्ञप्ती मार्फत यो आक्रमणलाई ‘देशको प्रायोजनमा भएको आक्रमण’ भनेको छ । तर कुन देशले यस्तो आक्रमण गर्यो भन्ने चाँही खुलाएको छैन् ।
ह्याकरले याहुमा सन २०१४ मा आक्रमण गरेको रहस्य याहुले विहिबार मात्रै सार्वजनिक गरेको हो । पछिल्लो समय प्रतिश्पर्धी कम्पनीसँगको दौडमा पछाडी पर्दै गएको याहुलाई छिट्टै भेरिजोन कम्पनीले खरिद गर्दै छ । यो घटनाको असर कतै याहु बिक्रीमा पर्ने हो कि भन्ने चिन्ता पनि देखिएको छ ।
पासवर्ड फेरी हाल्नुस्
याहुले आफ्ना प्रयोगकर्तालाई तुरुन्त पासवर्ड फेर्न प्रेश विज्ञप्ति मार्फत आग्रह गरेको छ । यस्तो आग्रह उसले इमेल मार्फत पनि गर्दै छ । सन २०१४ यता याहुको पासवर्ड फेर्नु भएको छैन भने अहिले नै फेरि हाल्नुहोस् ।
पासवर्ड सुरक्षाका लागि याहुले ‘बिक्रिप्ट’ नामको सुरक्षा टुल प्रयोग गर्दै आएको भएपनि ह्याकरले यसलाई सजिलै बुझ्न सक्ने इन्टरनेट सुरक्षा विज्ञहरूले सचेत गराएका छन् ।

शुक्रबार, अशोज ७, २०७३ मा प्रकाशित

सम्बन्धित सामाग्री

राष्ट्रिय

म्याग्दीमा दुई जनामा डेंगु लागेको भेटियो

हिमाली जिल्ला म्याग्दीमा पनि दुई जनामा डेंगुरोग लागेको भेटिएको छ । बुधबार बेनी अस्पतालमा स्वास्थ्य चेकजाँच गर्ने क्रममा २ जना..



sidebar ad
Loading...