शुभेच्छा थापाका ‘स्क्यान्डल’ : वक्षस्थलमा नेपाली झन्डा, खादाले गोप्य अंग छोपेर ‘फोटोसुट’

127 Views

३० वर्ष पुगेपछि चलचित्र निर्माता तथा निर्देशकले नायिकालाई वास्ता गर्दैनन् भनेर गुनासो गर्दै आएकी नायिका थापाले बिन्दास–३ का लागि खादाले गोप्य अंग छोपेर फोटोसुट गर्दा उनको पुत्ला जलाउन खोजिएको थियो ।

खादाले गोप्य अंग छोपेर फोटोसुट गर्दा व्यापक विरोध गरिए पनि क्षमा मागेरमात्रै नभएर बौद्ध पुगेर क्षमापूजा गरेपछि विवाद साम्य भएको थियो । ६ महिनामा विवाद साम्य पार्न सफल नायिका तथा चलचित्र निर्माता शुभेच्छा थापाले आफ्ना विवाद, विवादका पृष्ठभूमि र समाधानबारे यसरी प्रस्टीकरण दिइन् :

वक्षस्थलमा नेपाली झन्डा
ट्याटु खोप्ने फेसन चलेको छ । नायिका शुभेच्छा थापाले पनि वक्षस्थलको दायाँपट्टि नेपालको झन्डाको ट्याटु खोपाइन् । ‘शुभेच्छा थापा आफूलाई भन्दा देशलाई बढी माया गर्छे,’ ट्याटु खोपाउनुको पृष्ठभूमि सुनाइन्, ‘वक्षस्थलमा ट्याटु खोपाएर प्रमाणित गरिदिएँ । मेरो छातीमा ट्याटु खोपाउन नपाउने नियम छैन । मलाई मन लाग्यो बनाएँ ।’

वक्षस्थलमा ट्याटु खोपाएपछि सकारात्मक र नकारात्मक प्रतिक्रिया पाएँ । मेरा जति पनि महिला फ्यान छन् भने ट्याटुकै कारणले बनेका थिए । उनको वक्षस्थलको बायाँपट्टि नेपालको क्रस झन्डाको ट्याटु छ । ट्याटु खोपेको ठाउँलाई अंग नमानेर माया देखाउने ठाउँ पनि मान्न सकिने उनको तर्क छ ।

तीन वर्षअघि खोपेको नेपालको झन्डासहितको ट्याटुमा ‘आई लभ नेपाल’ उल्लेख छ । ‘संवेदनशील ठाउँमा बनाउनुपर्ने भएकाले पौने घन्टा समय लागेको थियो,’ ट्याटुकार बाबुलले खोपेको ट्याटुको प्रशंसा गर्दै उनले थपिन्, ‘चन्द्र, सूर्यको आकृति बनाउनैपर्यो । त्यतिबेला सो ट्याटु खोप्न १० हजार रुपैयाँ लागेको थियो ।’

माछाले वक्षस्थल छोपेर ‘फोटो सेसन’ 
चलचित्र ‘मिस नेपाल’ प्रचार–प्रसारका लागि फोटो खिचाउनु थियो । प्रचार–प्रसारका लागि नयाँ तरिकाले फोटोसुट गर्ने उपाय खोजिन् । ‘गुगलमा फोटो सर्च गरें,’ उनले जोडिन्, ‘फोटो सर्च गर्दै जाँदा मोडल तथा नायिका सर्लिन चोपडाको फोटोमा आँखा पर्यो । उनले गरेको फोटोसुट असाध्यै मन पर्यो । मैले त्यही स्टाइलमा फोटोसुट गरें ।’

‘आफूलाई मन परेकाले त्यस्तै फोटो सुट गरें त के बिराएँ,’ उनले थपिन्, ‘त्यो फोटो त्यति धेरै अश्लील छ जस्तो लाग्दैन । कपि गर्ने म पहिलो र अन्तिम कलाकार होइन ।’ भारतीय मोडल तथा नायिका सर्लिन चोपडाले जस्तै नक्कल गरेर फोटोसुट गरेको फोटो सार्वजनिक भएपछि उनको आलोचना गर्नेको कमी भएन ।

खादाले गोप्य अंग छोपेर ‘फोटोसुट’ गर्दा झन्डै पुत्लादहन 
‘बिन्दास–३ का लागि फोटोसुट गर्दै थियौं,’ नायिका थापाले प्रस्ट्याइन्, ‘एउटै ड्रेसमा फोटोसुट गर्नुभन्दा केही कन्सेप्ट चेन्ज गरौं भन्ने लाग्यो । तस्बिर फोटो स्टुडियोमा खादा झुन्डिरहेको थियो । त्यही बेरेर फोटो खिचाएँ ।’

खादा लगाएर फोटो खिचौं भनेर असिस्टेन्ट भाइले स्टुडियोका दाइलाई सोधे । दाइले त्यस्तो गर्नुहुँदैन भने । ‘खादा लगाएर फोटो खिचे पनि फेडअप (कलर चेन्ज) गर्ने हो भनेर फोटो खिचिहालियो,’ उनले थपिन्, ‘भित्र लगाएको वस्त्र नदेखियोस् भनेर खादा लगाएकी थिएँ । माथि लगाउँदा फरक नपर्ला तर तलकोचाहिँ फेडअप गर्ने सल्लाह भएको थियो ।’

फोटोसुट सकियो । फोटोसपबाट फोटो ‘एडिट’ भयो । तर, एडिट नभएको फोटो एक अनलाइन म्यागेजिनमा सार्वजनिक भयो । फोटो सार्वजनिक भएपछि सर्वत्र विरोध भयो । फोटो फेडअप गर्ने भनेको कसरी यस्तो भयो होला भनेर पत्ता लगाउनै समय लाग्यो । त्यतिन्जेलसम्म फोटो भाइरल भइसकेको थियो ।

चलचित्र विकास बोर्डसम्बद्धले टेलिफोन गरेका गर्यै थिए । गाह्रो भएकाले मैले फोन उठाउन सकिरहेकी थिइनँ । त्यसरी बस्दा समस्या समाधान हुँदैनथ्यो । त्यसपछि माफी माग्नुको विकल्प थिएन । माफी माग्दामाग्दै पनि मेरो पुत्ला जलाउनसम्म लागेका थिए । दुई महिनासम्म उहाँहरूको रिस मरेको थिएन । ‘त्यसपछि बौद्ध पुगेर क्षमापूजासम्म गरें,’ उनले खुसी व्यक्त गरिन्, ‘उहाँहरूलाई माफी दिन ६ महिना लाग्यो । हिओआज उहाँहरूको माया पाइसकेकी छु ।’

Source : ratopati

शनिबार, भदौ ३०, २०७५ मा प्रकाशित

सम्बन्धित सामाग्री

राष्ट्रिय

म्याग्दीमा दुई जनामा डेंगु लागेको भेटियो

हिमाली जिल्ला म्याग्दीमा पनि दुई जनामा डेंगुरोग लागेको भेटिएको छ । बुधबार बेनी अस्पतालमा स्वास्थ्य चेकजाँच गर्ने क्रममा २ जना..



sidebar ad
Loading...