छात्रा फुटबलको उपाधि माउण्ट एभरेष्टलाई

132 Views

न्यु दोभान युथ क्लबको आयोजनामा बिहिबारदेखि म्याग्दीको सदरमुकाम बेनीमा प्रथम अन्तर माविस्तरीय खुल्ला नाइन–‘ए’ छात्रा फुटबल प्रतियोगिताको उपाधि माउण्ट एभरेष्ट आवासीय माविले हात पारेको छ । म्याग्दी बहुमुखी क्याम्पसलाई फाइनल खेलमा शुन्यका विरुद्ध ३ गोल प्रहार गर्दै माउण्टले उपाधि हात पारेको हो ।
सेमीफाइनलमा बागलुङको अमर आर्दश माविलाई शुन्यका विरुद्ध १ गोल प्रहार गर्दै फाइनलमा प्रवेश गरेको म्याग्दी बहुमुखी क्याम्पस र म्याग्दी एकेडेमीलाई शुन्यका विरुद्ध १ गोल गर्दै फाइनलमा पुगेको माउण्ट एभरेष्टको खेल पहिलो चरणमा तीव्र प्रतिस्पर्धा भए पनि दोस्रो चरणमा माउण्टले निरन्तर दवाव दिएको थियो । दोस्रो चरणमा माउण्टकी रिया रोकाले लगातार २ गोल गरेकी थिइन् ।
प्रतियोगितामा म्यान अफ दी म्याच माउण्ट एभरेष्टकी रिया रोका घोषित भइन् । उत्कृष्ट खेलाडी माउण्टकै डिम्पल गुरूङ, सर्वाधिक गोलकर्ता माउण्टकै रिया रोका, उत्कृष्ट गोलरक्षक म्याग्दी बहुमुखी क्याम्पसकी रविना बोहोरा, अनुशासित टिम म्याग्दी एकेडेमी, राईजिङ खेलाडी वेष्ट पोइन्टकी दिपशिखा किसान र अमर आर्दशकी सुमिना केसी भएको न्यु दोभान यूथ क्लबका आशिष भुजेलले बताए ।
विजेतालाई बेनी नगरपालिकाका प्रमुख हरिकुमार श्रेष्ठ, जिल्ला खेलकुद विकास समितिका अध्यक्ष कृष्णकुमार विश्वकर्मा लगायतले पुरस्कार वितरण गरेका थिए ।

सोमवार, भदौ १६, २०७६ मा प्रकाशित

सम्बन्धित सामाग्री



sidebar ad
Loading...