मध्यरातमा प्रहरीद्वारा १२ राउण्ड फायर

22 Views

२१ जना बन्दी बढी मजदुरलाई जिउँदै इटा भट्टामा जिउँदै जलाएर सामूहिक हत्या गरेको अभियोमा नख्खु कारागारमा रहेका पूर्वमन्त्री एवं काँग्रेस नेता मा. आफताब आलमको घरमा खानतलासी गर्न गएको प्रहरीमाथि अवरोध भएको छ ।

बम काण्डका आरोपी आलमका भाई महताव आलमलाई पक्राउ गर्न गएराति राजपुरस्थित आलमको घर पुगेका प्रहरीमाथि उनका आफन्त र छिमेकी जाइलागेका थिए । त्यस क्रममा प्रहरीले १२ राउण्ड हवाई फायर गरेको जिल्ला प्रहरी कार्यालय रौतहटका प्रमुख एसपी रविराज खड्काले जानकारी दिए । महताब घरमा आएर लुकेको सूचनाका आधारमा छापा मार्न टोली पठाएको उनले बताए । तर, प्रहरीले महताबलाई भने फेला पार्न सकने ।

आलमद्वयमाथि पहिलो संविधानसभा निर्वाचको पूर्वसन्ध्यामा २०६४ चैत २७ मा राजपुर फरहदवास्थित पूर्वमन्त्री एवं काँग्रेस नेता शेख इद्रिसको घरमा बम विस्फोट भएपछि घाइते भएकाहरुलाई जिउँदै इटा भट्टामा जलाएर मारेको अभियोग छ ।

निर्वाचनमा विपक्षीविरुद्ध प्रयोग गर्न बनाइएको बम प्राविधिक त्रुटिका कारण विस्फोट भएको थियो ।

घटनाको १२ वर्षपछि प्रहरीले आफताब आलमलाई २०७६ असोज २६ मा पक्राउ गरेको थियो । आलम हाल अदालतको आदेशमा पुर्पक्षका लाथि नख्खु कारागारमा थुनामा छन् ।

शुक्रबार, जेष्ठ ९, २०७७ मा प्रकाशित

सम्बन्धित सामाग्री



sidebar ad
Loading...