गजल

नबिर्सने एउटा यस्तो पल दिन्छु म ।
तिम्रो तिर्खा मेटाउने जल दिन्छु म ।

दुःख दर्द घाउ चोट दिनु तिमीले,
पिडाबीच पनि फुल्ने कमल दिन्छु म ।

देशरुपी बटवृक्षको हूँ सानो पात,
झरे नि यो माटोलाई मल दिन्छु म ।

घृणाबीच मायाको बीउ उमारेर,
युगौंसम्म विश्वासको फल दिन्छु म ।

मितु हूँ स्वभावै हो मित्रता मेरो,
जस्तो सुकै शत्रुतालाई दखल दिन्छु म ।

मायाँमितु

मङ्लबार, भदौ २, २०७७ मा प्रकाशित

सम्बन्धित सामाग्री



sidebar ad
Loading...