कहाँ पुग्यो १९ लाख खोप

विश्वका कतिपय देशले खोप लगाउन नपाइ रहेको अवस्था भए पनि नेपालले भने पहिलो चरणमा लगाएकाहरुलाइ बुस्टर डोज अर्थात् तेश्रो मात्रा पनि दिन थालेको छ । माघको पहिलो साता सरकारले पहिलो प्राथमिकता र दोश्रो प्राथमिकतामा परेकाहरुलाइ बुस्टर डोज दिन थालेको छ । पूर्व प्रधानमन्त्री केपी शर्मा ओलीको नेतृत्वको सरकाले खोपको सुनिश्चितता गर्दै कतिपय मुलुकबाट खोप ल्याएर भण्डारण गरेको अवस्थामा सरकार फेरिएपछि धेरै चिजहरु फेरिए तर राष्ट्र र जनताको पक्षमा भन्दा पनि निश्चित नेताका आफ्नाहरुको पक्षपोषण गर्नका लागि नै त्यो प्रकारको माहौल बनेको प्रसंग कहि कतै लुकेको छैन । राष्ट्र र राष्ट्रियताको अडयामा सतिसाल झैं उभिएका ओलीको सरकारबाट बहिर्गमन सँगै राज्य र राष्ट्रियताका सवालमा चुइक्क नबोल्ने सरकार अनि सरकारका नेतृत्व गरेका पार्टीका नेताहरुले आफ्नै तबरले निकाल्ने बिज्ञप्ती पनि रमाइला विषय हुन भन्दा फरक नपर्ला ।
सरकारले खरिद र अनुदानमार्फत प्राप्त गरेको कोरोनाभाइरस (कोभिड–१९) विरुद्धको झण्डै १९ लाख मात्रा खोपको अभिलेख नराखेको पाइएको छ । सरकारले अनुदान र खरिदमार्फत ४ करोड ३८ लाख ८८ हजार ४० मात्रा खोप प्राप्त गरिसकेको छ । जसमध्ये सरकारले १ करोड २० मात्रा खरिद गरेको हो भने अनुदान सहयोगमार्फत २ करोड ८३ लाख ८८ हजार ८ सय ४० प्राप्त गरेको स्वास्थ्य सेवा विभागको तथ्याङ्कले देखाएको भए पनि त्यो अनुरुपको खोप कहाँ छ भन्ने अन्यौलता पक्का छ । स्वास्थ्य तथा जनसंख्या मन्त्रालयका अनुसार बुधबारसम्म दुई करोड ८५ लाख १० हजार ११६ मात्रा खोप लगाइएको छ । यो मात्रा खोप लगाइदिइसकेपछि भण्डारणमा १ एक करोड १८ लाख ७८ हजार ७ सय २४ मात्रा हुनुपर्छ । तर, सातै प्रदेशका भण्डारण केन्द्रमा ८० लाख मात्रा सञ्चित छ । सरकारी आँकडालाई केलाउँदा ३८ लाख ७८ हजार ७ सय २४ मात्रा खोप हराएको देखिन्छ । यदी लगाउने क्रममा ५ प्रतिशत खोप नै खेर गए पनि २० लाख १९ हजार ४ सय ४२ मात्रा हुन्छ । तर, १८ लाख ५९ हजार २ सय ८२ मात्रा खोप न त भण्डारण केन्द्रमा छ न त सरकारी अभिलेखमा छ । आखिर यति ठुलो मात्रामा कोरोनाविरुद्धको खोपको अभिलेख नभएको कारण के हो त?
मुलुकमा भित्रिएको मध्ये करिब १९ लाख मात्रा खोप अभिलेख नहुँदा स्वास्थ्य मन्त्रालयका अधिकारी अनभिज्ञता प्रकट गर्छन् । आपूर्ति शाखाले कोरोनाविरुद्धको खोप केन्द्र सरकारले प्रदेशलाई, प्रदेशले जिल्लालाई त्यसपछि स्थानीय तहबाट वार्ड स्वास्थ्य केन्द्र अनि खोप केन्द्रसम्म खोप आपूर्ति गर्दा कुनै त्रुटि नभएको बताउँछन् । खोप जसरी केन्द्रीय तहदेखि स्थानीय खोप केन्द्रसम्म पुग्ने प्रक्रिया छ त्यस्तै गरेर खोप लगाएको अभिलेख जम्मा हुँदै समन्वय भई आउन समय लागेकाले पनि यर्थाथ तथ्याङ्क केन्द्रसम्म नपुगेको हुन सक्ने अनुमान पनि नलगाइएको होइन । तर पनि झण्डै २० लाख मात्रा खोपको तथ्याङ्क नै हराउँदा भुकम्पको समयमा जस्ता बेचेको आरोप लागेकाहरु नै यसमा सामेल त छैनन् भन्ने तर्फ पनि जनताको आशंका जानु स्वभाविक हुन सक्ला । महामारी र विपद्को समयमा जनतालाइ रुवाएर आफु र आफ्नाको स्वार्थपुर्ति मात्रै नभएर उनीहरुकै पक्षमा कमाउको साधन बनाउने आरोप लाग्नेहरु नै अहिले सत्तामा रहेको हुँदा औंला कता तर्फ सोझ्याउने कन्फ्युज हुन पर्ला त?

शनिबार, माघ ८, २०७८ मा प्रकाशित

सम्बन्धित सामाग्री



sidebar ad
Loading...