म्याग्दीमा २१ प्रतिशत मत खस्यो, शिखमा मतदान रोकियो

हिमाली जिल्ला म्याग्दीमा प्रतिनिधिसभा तथा प्रदेश सभा निर्वाचनको मतदान सुरु भएको साढे पाँच घण्टाको अवधिमा २१ प्रतिशत मत खसेको छ ।

मुख्य निर्वाचन अधिकृतको कार्यालय म्याग्दीका मुख्य निर्वाचन अधिकृत कृष्णप्रसाद नेपालका अनुसार दिउँसो १२ः३० बजेसम्म १७ हजार नौ सय ७५ मत खसेको छ । कुल मतदाताको २१ प्रतिशत मत खसेको उहाँले बताउनुभयो ।

म्याग्दी जिल्ला अदालतका जिल्ला न्यायाधीश एवम् मुख्य निर्वाचन अधिकृत नेपालले जिल्लाका ८२ स्थानका ११९ मतदान केन्द्र र एउटा अस्थायी केन्द्र गरेर १२० वटै केन्द्रमा शान्तिपूर्ण मतदान भइरहेको बताउनुभयो।

त्यस्तै प्रतिनिधिसभा र प्रदेशसभाको मतपत्र फरक मतपेटिकामा खसेको भन्दै विवाद भएपछि अन्नपूर्ण गाउँपालिका–५ शिखमा मतदान रोकिएको छ । प्रतिनिधिसभाको मतपत्र प्रदेशसभामा र प्रदेशसभाको मतपत्र प्रतिनिधिसभाको मतपेटिकामा खसेको भन्दै विवाद भएको थियो । शिख मतदान केन्द्रको बुथ ‘क’ मा १५८ र मतदान केन्द्र ‘ख’ मा १५५ मत खसेपछि मतदान रोकिएको शिखका मतदान अधिकृत ताराबहादुर थापाले बताउनुभयो।

आइतवार, मंसिर ४, २०७९ मा प्रकाशित

सम्बन्धित सामाग्री




sidebar ad
Loading...