मेरी आमा

खरको छानो फाल्छु आमा जागिर खाएपछि ॥

टिनको छानो हाल्छु आमा जागिर खाएपछि ॥

केही बर्ष सिठो पिठो मोटा चामल भएपनि,

सुखसगं पाल्छु आमा जागिर खाएपछि ॥

बर्षौ देखि अचानो त्यो सुख्खा नै छ मझेरीमा,

चिसो चुल्हो बाल्छु आमा जागिर खाएपछि ॥

भीरको छेउमा चर्किएको एउटा सानो बुकुरोलाई,

भत्किएनी टाल्छु आमा जागिर खाएपछि ॥

दुई चार बर्ष साहुको कचकच मुख लुकाई हिड्नुहोला,

दाम कमाउन थाल्छु आमा जागिर खाएपछि ॥