हिमालपारीको जिल्ला मुस्ताङको घरभझोङ गाउँपालिकाको मार्फामा रहेको शीतोषण बागवानी विकास केन्द्र पछिल्लो समय तरकारी तथा फलफूलको अबलोकन तथा अभ्यासका लागि पनि निकै महत्वपूर्ण सावित हुदै गएको छ ।
शीतोष्ण हावापानीमा हुने फलफूल तथा तरकारी बालीको तालिम तथा विउ तथा बिरुवा उत्पादनकालागि पनि मार्फा धेरैको लागि चासो अनि गन्तव्य बन्न थालेको छ । प्रधानमन्त्री कृषि आधुनिकीकरण परियोजना, परियोजना कार्यान्वयन एकाई लमजुङ्गले पनि मार्फामा तीन दिने तालिम सकेको छ । लमजुङले आयोजना गरेको तालिममा विभिन्न १५ जिल्लाका १६ जना कृषकहरुको सहभागिता रहेको छ ।
प्रधानमन्त्री कृषि आधुनिकीकरण परियोजना, परियोजना कार्यान्वयन एकाई लमजुङको आयोजनामा आयोजित परियोजना अन्तर्गतका अधिकृत÷सहायकस्तर कर्मचारीहरुलाई स्याउ तथा ओखरको उन्नत प्रविधि सम्बन्धि क्षमता अभिवृद्धि सम्बन्धि ३ दिने तालिम शीतोष्ण बागवानी विकास केन्द्र, मुस्ताङ्गको मार्फामा सकिएको छ । मुस्ताङको शीतोष्ण बागवानी विकास केन्द्र मार्फामा शुरु भएको तालिममा सोलुखुम्बु, हुम्ला, जुम्ला, दार्चुला, डोल्पा, जाजरकोट, रुकुम पुर्ब, कालिकोट, कास्की, वाग्लुङ्ग, मुस्ताङ्ग, मनाङ्ग, मुगु र बाजुराका प्रतिनिधिहरु सहभागी रहेका छन् ।
शीतोष्ण बागवानी विकास केन्द्र मार्फाका प्रमुख पद्मनाथ आत्रेय उक्त तालिममा प्रमुख प्रशिक्षकको रुपमा सहजीकरण गरीरहनु भएको छ । जुन हावापानीमा जुन फलफूल हुन्छ त्यहि ठाँउमा लगेर तालिम दिदाँ बढि व्यवाहारिक र अर्थपुर्ण हुने भएको हुनाले तालिम मार्फामा तालिमको आयोजना गरिएको भन्नुहुन्छ प्रधानमन्त्री कृषि आधुनिकीकरण परियोजना, परियोजना कार्यान्वयन एकाई लमजुङ्गका कार्यालय प्रमुख अजय अधिकारी । हामी सक्दो ब्यवहारिक तालिम दिने प्रयास गरिरहेका छौं भन्नुहुन्छ प्रमुख प्रशिक्षक आत्रेय । तालिममा पुर्ब देखि पश्चिम सम्म कार्यारत कर्मचारीहरु सहभागि भएकाले विभिन्न भुगोलमा भएका र गरिएका प्रविधि र अनुभबहरु साटासाट गर्ने काम पनि भईरहेकोले तालिम अत्यन्त राम्रो हुने कुरा तालिमकी संयोजक सन्ध्या जोशीले बताउनुभयो । तालिममा साधारण र उच्च घनत्वमा स्याउ खेती सँगै ओखर खेती प्रविधि, बगैंचा ब्यवस्थापन र नर्सरी उत्पादनका विभिन्न कक्षाहरु समेटीएको थियो ।
बिहिबार, फाल्गुन २४, २०८० मा प्रकाशित
